【咩野職業表根本係垃圾，成日物化男人難怪冇人要】
其實好早之前已經有港男職業排行榜，不過近日呢個榜又再重演大家眼前，所以先引起唔少網民討論，原因係最後一個職業搞到好多男人好激氣！
先說明一下呢個表非常不合時宜，而且極之以偏概全🙄🙄第一你做嗰個職業唔代表你只賺到嗰個職業賺到既錢，好多男人都識得投資、買基金；好似女人都有時會做freelance、手作或者model啦。即使只一個小文員都可以有外快，港女們睇到仲唔倒追？咁點是嫌棄另一半做咩職業咁膚淺。第二即使對方依家做緊好高分數既職業，如果性格、外表有問題...其實仲衰。
雖然我覺得呢個表可信程度很低，而且排名次序完成唔準確，但總之先根據排名分析下有咩問題先。
首先第一名係老闆擁有10分滿分，因為做老闆一定有公司，有公司等於有員工，有員工代表自己既工作可以交比人地做，un un腳同時又可以賺好多錢。不過假如細公司既老闆呢？只係掛名公司既老闆呢？
第二名專業人士律師擁有9分高分，唔好忘記麥明詩前度林作都係律師，你會揀佢咩？仲有第三名係演員擁有8分？奇怪喇若然對方10幾年黎都係做茄哩啡，好似鄭俊弘咁，我又唔信港女會睇中。
第四至第六名比較正常，分別擁有7、6和5分。專業人士一向比較搶手，可能工作穩定對女仔黎講有安全感啲啦。
但係第七至十一名既人就慘，全部都係同藝術、技能性、銷售、勞動性有關既工作。例如廚師、作家、地產、清潔等...只有0到4分。不過英雄莫問出處，廚師可以擁有高技能，係法國藍帶資格既高級米芝蓮食府廚師；作家亦可以係個個都知、都讀過既出名作家。
人人都有名成利就既機會，唔好狗眼看人低。當初李嘉誠只係一個百貨公司既sales,如今豈不是成為世界富翁之一。仲有呀你揀人，人揀你，對眼唔好生喺額頭，計我話咩職業冇所謂，有進心、專一已經係好男人。講得出呢個榜既唔方係好女人，自己攬住個榜過下半世啦☺️
Search